Nú verðskrá fyrir nautgripi hjá Norðlenska tekur gildi í dag, mánudaginn 5. október. Verðlækkun er á ungneytum, ungum kúm og kúm ásamt því að þyngdarflokkar fyrir ungneyti fara úr tveim í þrjá. Áður var miðað við undir og yfir 250 kíló en nú er skipt í undir 200 kíló, milli 200-249 kíló og yfir 250 kíló.

Ef miðað ef við eldri verðskrá Norðlenska frá 3.2.2020 er breytingin eftirfarandi:

• UN <200 kg =  6,3-19,7% verðlækkun
• UN 200-249 kg P-,P,P+ = 7,6-8,4% verðlækkun
• KU <200 kg = 3,8-4% verðlækkun
• KU >200 kg = 1,7-1,8% verðlækkun
• K <200 kg P-,P,P+ = 21,4-22,9% verðlækkun
• K <200 kg O-,O,O+ = 0,5-1,9% verðlækkun
• K >200 kg P-,P,P+ = 10,7% verðlækkun
• K >200 kg O-.O,O+ = 1-1,2% verðlækkun

Í tilkynningu frá fyrirtækinu segir að við gerð nýrrar verðskrár hafi verði „leitast við að hreyfa sem minnst við bestu flokkum nautakjöts í þeirri von að breytingarnar hafi lítil áhrif á þá framleiðendur sem eru að einbeita sér að nautakjösframleiðslu.  Staðan á markaði fyrir nautakjöt hefur verið erfið og samkeppni harðnandi.  Mikill samdráttur hefur verið í sölu á stóreldhúsamarkaði á árinu og ákveðið oframboð á markaði hefur valdið því að verð á framleiðsluvörum hefur gefið eftir.  Breyting á verðskrá því nauðsynleg svo unnt sé að framleiða vörur á samkeppnishæfu verði við núverandi markaðsaðstæður.“

Er þetta fjórða verðlækkunin sem bændur fá á sig undanfarinn mánuð en áður höfðu KS, SS og SAH tilkynnt um lækkun hjá sér. Búið er að uppfæra verðskrár sláturleyfishafa hér á naut.is í samræmi við þessar breytingar. Þar geta bændur borið saman verðskrár allra sláturleyfishafa og hvetjum við eindregið til þess.