Hagstofa Íslands hefur birt vísitölu neysluverðs miðað við verðlag í ágúst. Athygli vekur að búvörur og grænmeti hafa haldið aftur af verðbólgu sl. 12 mánuði svo um munar. 

Er vísitalan nú 362,6 stig (maí 1988=100) og hækkaði um 0,25% frá fyrra mánuði. Vísitala neysluverðs án húsnæðis er 344,9 stig og hækkaði hún um 0,38% frá júlí. Síðastliðna tólf mánuði hefur vísitala neysluverðs hækkað um 4,5% en vísitala neysluverðs án húsnæðis um 5,8%.

Undanfarna þrjá mánuði hefur vísitala neysluverðs lækkað um 0,7% sem jafngildir 2,9% verðhjöðnun á ári (3,4% verðhjöðnun fyrir vísitöluna án húsnæðis).

Þegar þróun vísitölunnar er skoðuð sl. 12 mánuði sést að ekkert af þessari hækkun er rakið til verðhækkana á búvörum og grænmeti. Þessar vörur hafa hækkað um 0,1% sl. 12 mánuði meðan innlendar vörur án búvöru hafa hækkað um 8,7% og innfluttar vörur um 5,7% sjá meðfylgjandi töflu sem fylgir fréttatilkynningu Hagstofunnar. /EB

Vísitala neysluverðs eftir eðli og uppruna 2010
Undirvísitölur mars 1997=100			Breyting síðustu 12 mánuði
				Áhrif á vísit.
	júlí	ágúst	%
Vísitala neysluverðs	202,7	203,2	4,5	4,5
Þar af:
Innlendar vörur og grænmeti	178,7	179,3	4,9	0,7
Búvörur og grænmeti	161,6	162,6	0,1	0,0
Innlendar vörur án búvöru	192,5	192,6	8,7	0,7
Innfluttar vörur alls	183,1	184,0	5,7	2,1
Innfluttar vörur án áfengis og tóbaks	176,4	177,4	5,6	1,9
Dagvara	182,5	183,3	3,7	0,7