Í Frakkalandi hefur vörumerkið ”C’est qui le patron” sem mætti útleggja sem „Hver er stjórinn“ náð eftirtektarverðum árangri við sölu á drykkjarmjólk en hugmyndin á bak við þetta vörumerki er að gefa neytendum færi á að ráða forsendum mjólkurframleiðslunnar og umbúðahönnunar einnig. Neytendur voru t.d. spurðir að því hvernig umbúðir mjólkurinnar voru hannaðar sem og því hvort mjólkin ætti að koma frá kúm sem er beitt eða ekki. Raunar gátu neytendurnir valið um mörg fleiri atriði og svo var farið af stað með framleiðsluna.

Mjólkin er seld á mun hærra verði en gerist og gengur og fá bændur t.d. 14 krónum meira en aðrir bændur í afurðastöðvaverð fyrir hvert innvegið kíló. Í upphafi voru margir bændur afar efins um að hægt væri að koma með svona sérvöru inn á markaðinn en segja má að búið sé að eyða þeim efasemdarröddum enda eru vörumerkið í mikilli sókn og í dag eru 80 kúabú sem framleiða fyrir „Hver er stjórinn“

Óskum öllum lesendum naut.is góðrar Hvítasunnuhelgar og minnum á að vefurinn verður næst uppfærður á þriðjudaginn/SS.