Hollenski landbúnaðarbankinn Rabobank gefur árlega út lista yfir stærstu afurðafélög heims í mjólkuriðnaði, byggt á veltu þeirra af sölu mjólkurafurða. Nestlé heldur enn toppsætinu, enda lang stærst á þessu sviði og raunar langt niður í annað og þriðja sætið en það verma frönsku afurðafélögin Lactalis og Danone og hafa þau haft sætaskipti frá fyrra ári. Litlar breytingar hafa orðið á listanum yfir 20 stærstu fyrirtækin frá listanum sem birtur var í fyrra en hástökkvarinn í ár er kínverska afurðafélagið Mengniu en það er nú talið 11 stærsta afurðafélag í heimi.

 

Önnur tíðindi af þróun heimsmála stærstu fyrirtækjanna er að bandaríska félagið Dairy Farmers of America hækka um eitt sæti og eru nú í fimmta sæti og hafa haft sætisskipti við hollenska félagið FrieslandCampina. Þá vekur athygli að japanska Meiji fellur um fimm sæti, úr því 12 í það 17. Mikill stöðugleiki er á þessum markaði þrátt fyrir nánast stöðug uppkaup, en einungis eitt fyrirtæki er nýtt á listanum yfir 20 stærstu fyrirtækin en það er hið bandaríska Land O‘Lakes sem nú er í 19. sæti.

 

Afar áhugavert að skoða veltutölur fyrirtækjanna, en eins og sjá í listanum hér fyrir neðan þá stóðu fimm stærstu fyrirtækin fyrir 46,3% sölu allra topp-20 fyrirtækjanna árið 2014, en þetta hlutfall var nánast það sama árið 2013/SS.

 

# 2014	# 2013	Nafn	Upprunaland	Velta í milljörðum USD
1	1	Nestlé	Sviss	27,8
2	3	Lactalis	Frakkland	19,5
3	2	Danone	Frakkland	19,5
4	4	Fonterra	Nýja-Sjáland	18,5
5	6	Dairy Farmers of America	Bandaríkin	17,9
6	5	FrieslandCampina	Holland	14,8
7	7	Arla Foods	Danmörk/Svíþjóð/St. Bretland og víðar	13,6
8	8	Saputo	Kanada	9,8
9	9	Dean Foods	Bandaríkin	9,0
10	10	Yili	Kína	8,6
11	14	Mengniu	Kína	8,1
12	11	Unilever	Holland/Stóra-Bretland	7,7
13	15	Sodiaal	Frakkland	7,2
14	13	DMK	Þýskalandi	7,1
15	16	Savencia (áður Bongrain)	Frakklandi	6,1
16	17	Kraft Foods	Bandaríkin	6,0
17	12	Meiji	Japan	5,6
18	19	Schreiber Foods	Bandaríkin	5,6
19	—	Land O’Lakes	Bandaríkin	5,1
20	18	Müller	Þýskalandi	5,1