Hollenski bankinn Rabobank hefur tekið saman yfirlit yfir stærstu fyrirtækin í heiminum sem vinna mjólkurafurðir, en Rabobank sérhæfir sig einmitt í bankastarfsemi í landbúnaði. Á listanum trónir Nestlé enn á toppinum og Danone er enn næst stærsta afurðafélagið. Annað franskt félag, Lactalis er nú í þriðja sæti og ýtir hinu nýsjálenska félagi Fonterra niður í fjórða sæti eftir samruna Lactalis og Parmalat (var 15. stærsta afurðafélag heims) og Skånemejerier. Eina félagið á Norðurlöndum sem kemst á topp 20 listann er Arla Foods sem heldur stöðu sinni sem áttunda stærsta afurðafélag heims. Þess má geta að nýlegur samruni þess félags og Milk Link og MUH kemur fyrst til í haust og mun þá Arla færast eitthvað ofar á listann. Listinn er settur upp miðað við heildarveltu félaganna/fyrirtækjanna/SS.

 

Listinn í heild er þannig:

Nr.	Fyrirtæki	Land	Nr. á sama lista árið 2011	Nr. á sama lista árið 2010	Nr. á sama lista árið 1999
1	Nestlé	Sviss	1	1	1
2	Danone	Frakkland	2	2	3
3	Lactalis	Frakkland	4	3	8
4	Fonterra	Nýja-Sjálandi	3	5	–
5	Friesland Campina	Holland	5	4	9 og 12 (sameinað)
6	Dairy Farmers of America	Bandaríkin	7	8	2
7	Dean Foods	Bandaríkin	6	6	17
8	Arla Foods	Danmörk/Svíþjóð	8	7	7
9	Kraft Foods	Bandaríkin	9	9	4
10	Meiji Dairies	Japan	12	11	15
11	Unilever	Holland/Bretland	10	10	11
12	Saputo	Kanada	11	12	–
13	Nordmilch og Humana DMK	Þýskaland	13	–	–
14	Sodiaal og Entremont Alliance	Frakkland	14	–	–
15	Yili	Kína	19	17	–
16	Mengniu	Kína	18	16	–
17	Bongrain	Frakkland	17	–	–
18	Muller	Þýskalandi	–	–	–
19	Schreiber Foods	Bandaríkin	20	–	–
20	Land O´Lakes	Bandaríkin	–	–	–