Forritið Nautaval er nú komið á netið. Það nýtist við gerð sæðingaáætlana á kúabúum. Hver og einn bóndi getur sett sér ræktunarmarkmið eftir eigin höfði, einnig er mögulegt að setja lágmarkseinkunnir á ákveðna eiginleika. Forritið skilyrðir notkun ungnauta á a.m.k. 40% af kúnum, einnig fer forritið yfir lista þeirra og kannar hvort einhver ungnautanna séu það skyld kúnni að ástæða sé til að veita viðvörun gagnvart of mikilli skyldleikarækt sem yrði afleiðing viðkomandi pörunar. 

Forritið er að finna á slóðinni www.huppa.is. Til þess að fá aðgang, þarf að hafa samband við BÍ í síma 563 0300 eða með því að senda póst á mark@bondi.is. Með því fæst einnig aðgangur að gagnagrunninum Mark, sem varðveitir upplýsingar um skyldumerkingar nautgripa og verður grunnur gripagreiðslna. Nánari leiðbeiningar með notkun forritsins má fá með því að smella hér.