Beint í efni

Nautaskrá: fimm ný naut í notkun

12.01.2024

Fréttir frá Nautastöðinni þar sem fram kemur að ákveðið hefur verið að setja fimm ný naut í notkun og fjögur naut tekin úr notkun. Til tíðinda verður að teljast þar sem um ræðir fyrsta nautahópinn, sem valinn er á stöð á grunni arfgreiningar og erfðamats. Hópurinn markar því enn eitt skrefið í innleiðingu erfðamengisúrvalsins.

Í tilkynningunni kemur fram að nú þegar notkun nauta sem valin voru á grunni erfðamengis er hafin er þess að vænta að ný naut komi til notkunar örar en verið hefur. Þannig kann listi nauta í notkun að taka breytingum á 4-8 vikna fresti.

Kúabændur eru hvattir til notkunar á sæðingum í bæði kýr og kvígur en nautakosturinn sem til boða stendur hefur líklega aldrei verið öflugri. Þau naut sem koma inn eru með 112 og 114 í heildareinkunn.

Þau naut sem koma til notkunar núna eru:

Flammi 22020 frá Króki í Biskupstungum undan Bikar 16008 og 573 Kláusardóttur 14031

Strókur 22023 frá Stóru-Reykjum í Flóa undan Herki 16069 og Brynju 884 Kláusardóttur 14031

Drungi 22024 frá Neðri-Þverá í Fljótshlíð undan Mikka 15043 og 1065 Úranusdóttur 10081

Krummi 22025 frá Neðri-Þverá í Fljótshlíð undan Bússa 19066 og 1169 Piparsdóttur 12007

Þrymur 22027 frá Stóra-Ármóti í Flóa undan Tanna 15065 og Tröllu 1543 Búkkadóttur 17031

Einnig kemur fram að þau naut sem fara úr notkun eftir að hafa gegnt skyldu sinni og/eða eru samfeðra þeim sem koma inn eru þeir Bússa 19066, Billa 20009, Garpi 20044 og Svarfdal 22006.

Sæði úr þessum fimm nýju nautum verður sent frá Nautastöðinni á Hesti til frjótækna um land allt á komandi viku.

Upplýsingar um nautin er að finna á nautaskra.is.