Eftir dapurt ár í holdanautaeldinu í Brasilíu, sem við höfum áður greint frá, virðist nú vera að rofa til hjá þarlendum kúabændum. Nú er komin út framleiðsluspá sem bendir til 10% aukningar á sölu nautakjöts í ár, sem skýrist af bæði skrárri framleiðsluaðstæðum en síðasta ár og gengisþróun í Brasilíu.

 

Það eru þarlend samtök nautakjötsútflytjenda (The Brazilian Association of Meat Exporters (Abiec)) sem hafa sent frá sér framangreinda spá. Það eru Chíle, Líbía, Venesúela, Rússland og Íran sem Abiec segja að standi að mestu undir aukningunni í útflutningi á nautakjöti en salan til Evrópu er einnig jöfn og góð/SS.