Nýir þátttakendur í gæðastýringu:
Nýir þátttakendur í gæðastýringu í sauðfjárrækt þurfa að sækja um það til Matvælastofnunar á þar til gerðum umsóknareyðublöðum. Umsóknarfrestur er til 20. nóvember ef framleiðandi óskar eftir álagsgreiðslum fyrir næsta almanaksár.

Námskeið:
Eitt af grunnskilyrðum fyrir þátttöku í gæðastýringu í sauðfjárrækt er að hafa sótt undirbúningsnámskeið.

Sérstök námskeið vegna gæðastýringar í sauðfjárrækt verða haldin á tveimur til þremur stöðum á landinu á tímabilinu 13. til 20. júní nk. Staðsetning námskeiðanna verður auglýst þegar fyrir liggur hvaðan væntanlegir þátttakendur koma.

Ákveðið hefur verið að halda námskeið á Stóra Ármóti miðvikudaginn18. júní.

Námskeiðin hefjast kl. 10.00 fyrir hádegi og þeim lýkur kl. 18.00.

Námskeiðin eru ætluð þeim framleiðendum sauðfjárafurða sem :
- eru nýir þátttakendur og/eða hafa ekki sótt námskeið áður
- eru nýir ábúendur eða eigendur jarða, - eru að hefja sauðfjárbúskap, taka við sauðfjárbúi
eða gera það síðar á þessu ári eða því næsta.

Skráning:
Þeir sem óska eftir að sækja fyrirhuguð námskeið eru vinsamlegast beðnir að skrá þátttöku til Bændasamtaka Íslands eða viðkomandi búnaðarsambands fyrir 9. júní nk. Unnt er að skrá þátttöku í síma 563 0300 eða á tölvupósti bella@bondi.is

/Bændasamtök Íslands.