Arla, dansk-sænska framleiðendasamvinnufélagið, hækkar um mánaðarmótin verð á mjólk til bænda um 7,5 aura Dkr og hefur þá hækkað mjólkina alls um 0,3 Dkr síðustu tvo mánuði, eða samtals um 6,3 Íkr. Eftir breytinguna er verð til kúabænda sem leggja inn mjólk hjá Arla 51 króna/kg. Skýringin á hækkandi verði felst í góðu gengi fyrirtækisins á alþjóðlegum mörkuðum, en eins og naut.is hefur greint frá að undanförnu hefur verð mjólkurvara á alþjóðlegum mörkuðum farið mjög hækkandi á liðnum mánuðum.