Samkvæmt yfirliti frá Samtökum afurðastöðva í mjólkuriðnaði (SAM) nam innvegin mjólk í september sl. 9,6 milljónum lítra en á sama tíma í fyrra voru 9,2 milljónir lítra innvegnir til afurðastöðvanna og nemur aukningin í ár 3,6%.
 
Það sem af er ári hefur heildarframleiðsla kúabúa landsins legið nokkuð undir framleiðslu síðasta árs en mikil aukning í ágúst sl. og aftur góð aukning nú í september vegur muninn verulega upp. Fyrstu níu mánuði ársins nam framleiðslan 94,8 milljónum lítra en í fyrra nam hún 95,1 milljónum lítra og er framleiðslan nú því 0,2% minni en á sama tíma í fyrra.
 
Þegar litið er til sölunnar síðustu 12 mánaða kemur fram að sala mjólkurvara á próteingrunni var 113,9 milljónir lítra og á fitugrunni 110,6 milljónir lítra/SS.