Samkvæmt bráðabirgðauppgjöri Samtaka afurðastöðva í mjólkuriðnaði var mjólkurframleiðslan í júní 9,9 milljónir lítra en í júní í fyrra var hún 10,1 milljón lítra. Miðað við óskir mjólkuriðnaðarins um kaup á umframmjólk í sumar er því orðið ljóst að landsframleiðslan í júlí og ágúst þarf að vera amk. hálfri milljón lítrum meiri en í júlí og ágúst í fyrra. LK hvetur kúabændur landsins til að yfirfara vel allt framleiðsluskipulag viðkomandi kúabús vegna þessa. Samtals hafa nú verið framleiddir

 

93,5 milljónir lítrar mjólkur og þarf framleiðslan í júlí og ágúst því að skila amk. 19 milljónum lítrum mjólkur ef framleiða á alla þá mjólk sem iðnaðurinn hefur kallað eftir, sem eru 112,5 milljónir lítra.

 

Greiðslumarkið verðlagsárið 2004/2005 er 106 milljónir lítra og þarf því hver mjólkurframleiðandi að jafnaði að framleiða 6,1% umfram sitt greiðslumark svo að tryggt sé að iðnaðurinn fái þá mjólk til vinnslu sem óskað hefur verið eftir.

 

Framleiðsla mjólkur síðustu ár í júní, júlí og ágúst hefur verið eftirfarandi (í milljónum lítra)*:

	2002	2003	2004	2005
Júní	9,4	9,6	10,1	9,9
Júlí	9,6	8,9	9,6	?
Ágúst	8,7	7,9	8,9	?
Samtals	27,7	26,4	28,6	amk. 28,9

* Af vef SAM (www.sam.is)