Sala á mjólkurvörum hefur gengið mjög vel að undanförnu. Sala ferskvöru var 8,3% meiri í september 2008 en í sama mánuði í fyrra. Í ostum og viðbiti var aukningin enn meiri, sala þessara vara jókst um 11,2% miðað við september 2007. Ef litið er til söluþróunar síðustu 12 mánaða sést að ferskvaran er með 1,4% aukningu. Undanfarin ár hefur verið samdráttur í þeim flokki, aðallega í drykkjarmjólkinni, þannig að vonandi er hér um ánægjulegan viðsnúning að ræða. Þróun í sölu osta og viðbits undanfarið ár er jákvæð um 4,4%.

Í töflunni hér að neðan má sjá skiptingu sölunnar á próteingrunni (hversu mikil mjólk fer í hvern vöruflokk), annars vegar á síðasta verðlagsári (1. september 2007-31. ágúst 2008) og hins vegar á almanaksárinu 2003. Þar sést greinilega hversu glæsilegur árangur hefur náðst í sölu á mjólkurvörum á tímabilinu, en aukningin nemur tæpum 8,9 milljónum lítra.

 

Vöruflokkur	Verðlagsárið 2007-2008, lítrar	Almanaksárið 2003, lítrar	Mismunur
Mjólk	42.409.125	43.321.854	-912.729
Ostar	47.408.007	39.251.704	8.156.303
Jógúrt	2.871.451	2.749.230	122.221
Duft	6.870.557	6.701.249	169.309
Viðbit	2.999.330	2.598.882	400.448
Skyr	11.695.060	10.889.529	805.531
Rjómi	1.801.923	1.610.877	191.046
Annað	197.630	268.480	-70.849
Alls	116.253.083	107.391.804	8.861.279

 

Skipting sölunnar á fitugrunni er nokkuð annar, sérstaklega hvað varðar viðbit, skyr og rjóma. Ef tölurnar eru settar í samhengi, þá má segja að aukning mjólkursölu á þessum 5 árum samsvari framleiðslu 50 meðal búa. Á síðasta verðlagsári framleiddu kúabúin að jafnaði 177.000 lítra mjólkur.