Eftir því sem líður á árið 2012 koma fram upplýsingar um afurðasemi ólíkra kúakynja í löndunum í kringum okkur árið 2011. Nú liggja m.a. fyrir upplýsingar um afurðasemin í Danmörku árið 2011 og eru hinar svarskjöldóttu dönsku kýr (DH) sem fyrr afurðahæstar, en þær eiga ættir að rekja í hið þekkta Holstein Friesian kyn. Hinar svarskjöldóttu dönsku kýr mjólkuðu að meðaltali 9.392 kg (ekki orkuleiðrétt nyt). Þar á eftir koma svo hinar rauðu dönsku kýr (RDM eða VikingRed) með 8.570 kg að jafnaði.

 

Til fróðleiks hafa hér verið dregnar saman helstu niðurstöður hinna þriggja stóru dönsku kúakynja (DH, RDM og Jersey) í samanburði við íslenskar stöllur þeirra.

 

Kúakyn	Bústærð, árskýr	Fjöldi búa í uppgjöri	Meðalframleiðsla pr. árskú	Framleidd verðmætaefni (fita+prótein) pr. árskú	Hlutfall innveginnar mjólkur í afurðastöð
Rauðar danskar kýr	106,3	145	8.570 kg	667 kg	94,2%
Danskar Holstein kýr	146,6	1.504	9.392 kg	701 kg	94,5%
Jersey kýr	160,6	316	6.587 kg	662 kg	95,6%
Íslenskar kýr	38,5	598	5.436 kg	412 kg	Ekki gefið upp

 

Við samanburð sem þennan er jafnframt gagnlegt að skoða hvernig bestu búin standa sig innan hvers flokks og ef skoðaðar eru afurðirnar á 10 afurðahæstu búunum kemur eftirfarandi í ljós:

 

Bú með:	Vegin meðalnyt  afurðahæstu búa, kg mjólkur pr. árskú	Þar af innlagt í afurðastöð	Vegin meðalframleiðsla verðmætaefna pr. árskú	Meðalfjöldi árskúa pr. bú
Rauðar danskar kýr	10.290 kg	92,8%	804 kg	106,4
Danskar Holstein kýr	12.816 kg	93,8%	942 kg	230,4
Jersey kýr	7.999 kg	Ekki gefið upp	816 kg	164,8
Íslenskar kýr	7.678 kg	Ekki gefið upp	592 kg	32,8

 

Á næstu vikum munu svo liggja fyrir upplýsingar úr afurðaskýrsluhaldi hinna Norðurlandanna (SRB frá Svíþjóð, NRF frá Noregi og Ayrshire frá Finnlandi) og verður þeim gerð svipuð skil þegar þar að kemur/SS.