Nýjar tölur um framleiðslu og sölu á nautgripakjöti fyrir september liggja nú fyrir á vef LK. Salan í september var 28 tonnum meiri en í september í fyrra, eða 323.6 t. m.v. 295,8 t. árið áður. Ef tekið er mið af árinu 2001 er söluaukningin mjög mikil, en það ár var salan í september einungis 266,3 tonn. Á bak við þessa aukningu er veruleg fjölgun í slátrun ungnauta.

Ef tölur um framleiðslu og sölu sl. 12 mánuði eru skoðaðar kemur hinsvegar fram að um söluminnkun er að ræða. Salan varð alls 3.484 tonn miðað við 3.574 tonn 12 mánuðina áður. Samdrátturinn nemur um 10 daga sölu á nautakjöti að meðaltali og helst nokkuð óbreyttur frá síðasta uppgjöri.

 

Smelltu hér til að sjá septembertölurnar um framleiðslu og sölu á nautgripakjöti.