Beint í efni

Með broddmjólkurmæla og broddlíki!

02.02.2012

Í kjölfar fréttar hér á naut.is um hugsanlega of lágt hlutfall mótefna í broddi (smelltu hér til þess að sjá þá frétt) hefur borist fréttatilkynning frá Landstólpa ehf. þar sem vakin er athygli á því að fyrirtækið flytji inn frá þýska fyrirtækinu Josera efni sem er kallað „broddlíki“ en ber nafnið Colostrin.

 

„Efnið er í 100 gramma bréfum og eru ráðleggingar framleiðanda að gefa eitt bréf saman við broddinn innan við tveimur klst. eftir fæðingu og endurtaka svo á þriðja degi. Efnin sem eru í broddinum þe. Immune globulin er kálfinum mjög mikilvægt á fyrstu dögunum til að byggja upp ónæmiskerfið.  Ef einhverra hluta vegna er skortur á því s.s. vegna geldstöðulyfs í móður eða júgurbólgu, kemur Colostrin til með að hjálpa uppá það með mjólkursýru-bakteríum, vítamínum og mikilvægum steinefnum sem styrkja ónæmiskefið á sambærilegan hátt og náttúrulegur góður broddur.

 

Colostrin minnkar líkur á skitu og öllum þeim kvillum sem geta herjað á kálfinn vegna veiks ónæmiskerfis. Colostrin er selt í pakkningu með 10 bréfum og pakkningin kostar kr. 4.460.“, segir í fréttatilkynningu frá fyrirtækinu.

 

Þá er einnig vakin á því athygli að sk. broddmjólkurmælar, þ.e. mælar sem mæla sérstaklega hve mikið af mótefnum er í broddmjólkinni fást einnig keyptir hjá Landstólpa/SS.