Beint í efni

Margmenni á upplýsingafundi um mögulegan útflutning

09.05.2005

Í dag var haldinn upplýsingafundur í húsnæði Osta- og smjörsölunnar um mögulegan útflutning mjólkurvara til Bandaríkjanna. Á fundinum skýrði framkvæmdastjóri Áforms, Baldvin Jónsson, frá tilraunaútflutningi sem gerður hefur verið með mjólkurvörur til Bandaríkjanna og kynnti fyrstu hugmyndir um skilaverð. 

Fundinn sátu helstu forsvarsmenn innan íslensks mjólkuriðnaðar, forsvarsmenn Landssambands kúabænda sem og landbúnaðarráðherra og starfsmenn landbúnaðarráðuneytisins. Á næstu vikum verður unnið að greiningu á gögnum varðandi málið og stýra Samtök afurðastöðva í mjólkuriðnaði þeirri vinnu. Vænta má fyrstu niðurstaðna vegna málsins fljótlega.