Eins og vafalítið margir vita í dag, tókst árshátíð kúabænda mjög vel. Því miður var löngu orðið uppselt á hátíðina, en 240 manns komust að. Þegar hefur verið ákveðið að taka undir hátíðina stærra húsnæði í næsta skipti. Á árshátíðinni, notaði stjórn LK tækifærið og heiðraði tvo kúabændur sérstaklega. Sverrir Magnússon, Efra-Ási, fékk viðurkenningu fyrir gott starf í nautgriparækt og fóðurframleiðslu, og Ólöf Hallgrímsdóttir, Vogum, fyrir frumkvöðlastarf í samþættingu ferðaþjónustu og nautgriparæktar.