Þessa dagana sendur yfir sýning á ljósmyndum franska búnaðarljósmyndarans Bruno Compagnon, af íslenskum nautgripum og öðru búfé í safnaðarheimili Akureyrarkirkju. Myndirnar hefur Bruno tekið á ferðum sínum um Ísland undanfarin tvö ár. Myndirnar voru einnig til sýnis í vor í Norræna húsinu í Reykjavík. Þessa dagana er hann hér á landi til að ljósmynda göngur og réttir, þá munu Grímsstaðir á Fjöllum hafa verið myndaðir ítarlega, í ljósi skyndilegs áhuga erlendra fjárfesta á þeirri ágætu jörð. Bruno hefur starfað sem ljósmyndari hjá frönskum búnaðarblöðum síðan 1988 og hefur myndefnið aðallega tengst kúabændum og nautgripum á þeim tíma. Þá hefur hann gefið út ljósmyndabókina „Kýrnar okkar“ (fr. Nos Vaches) en í henni er að finna myndir af öllum kúakynjum Frakklands. Bókin sú er m.a. fáanleg í vefverslun Amazon.  

Safnaðarheimili Akureyrarkirkju er opið daglega frá kl. 9-17 og er aðgangur ókeypis. Sýningin verður opin næstu vikur. Stuðningsaðilar eru Landssamband kúabænda og bílaleigan Geysir./BHB

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Bruno Compagnon við verk hans í safnaðarheimilinu