Beint í efni

Libramont opnar

27.07.2012

Í dag hófst í Belgíu landbúnaðarsýningin Libramont (La Forie de Libramont) en þessi sýning stendur í fjóra daga. Sýningin er hefðbundin sumarsýning þar sem saman koma bæði sýnendur á landbúnaðartækjum og –tólum en einnig bændur sem sýna búfénað.

 

Sýningin er mjög umsvifamikil og koma á hana árlega um 200 þúsund gestir enda sölubásarnir margir eða rétt um 650 og alls sýna 1.500 aðilar á sýningunni. Í ár er íslenskur hópur staddur á sýningunni, en þetta eru bæði ungir bændur og verðandi bændur enda útskriftarnemar Bændadeildar frá Hvanneyri frá því nú í vor. Hópurinn hefur á undanförnum dögum ferðast um Frakkland og Belgíu og kynnt sér bæði menningu og landbúnað þessara landa. Áhugasömum um Libramont sýninguna má benda á heimasíðu hennar: www.foiredelibramont.be /SS.