Leikur hjá smákálfi er merki um að hann hafi það gott og þrífist vel. Þetta er eitt af því sem sérfræðingar í atferli nota nú til dags til þess að meta með einföldum hætti ástanda kálfa og byggir á niðurstöðum rannsóknar þar sem fylgst var með hegðun kálfa og greint var frá í tímaritinu Animal í júní sl. Leikur er nefninilega afar eðlilegt atferli hjá heilbrigðum kálfum og séu þeir í góðu næringarlegu jafnvægi þá hlaupa þeir um, skrattast hver í öðrum og hoppa um að jafnaði sjö sinnum á sólarhring eða það gerðu kálfarnir amk. í þeirri tilraun sem hér er fjallað um.

 

Alls var fylgst með hegðun 56 kálfa á tímabilinu í kringum endaða mjólkurfóðrun og fyrstu vikurnar eftir að búið var að venja þá af mjólk. Í ljós kom að fyrstu dagana eftir að mjólkurfóðrun var hætt, datt botninn alveg úr leik kálfanna og mældust sk. leikjalotur einungis sem ein eða tvær á dag fyrstu dagana á eftir. Eftir sjö til níu daga var leikurinn kominn á ný í kálfana en þó var fjörið mun minna en fyrir frávenjur. Skýringin á þessari breyttu hegðun telja vísindamennirnir að felist í orkujafnvægi kálfanna og því jafnara sem það jafnvægi er fyrir og eftir að vanið er af mjólk, því minni munur sést á leik kálfanna/SS.