Margrét Gísladóttir, framkvæmdastjóri LK, ritar leiðara mars mánuðar hér á naut.is. Í leiðaranum kemur hún inn á mikilvægi fæðuöryggisins, upprunavottunar landbúnaðarvara, óhóflega notkun sýklalyfja víða erlendis og um sérstöðu íslensks landbúnaðar og segir m.a.: „Það er eðlileg krafa frá neytendum og framleiðendum íslenskra matvæla að upplýsingagjöf til neytenda verði bætt, ekki einungis um hvaðan varan kemur heldur einnig við hvaða aðstæður hún er framleidd og á hvaða hátt. Við erum til að mynda ávallt að verða upplýstari og meðvitaðari um mikilvægi velferðar dýra, hvort sem er í landbúnaði eða annarri umgengni við dýr. Það er því eðlilegt skref og væri mikil bragabót að taka sérstaklega fram með áberandi hætti ef ekki væri tryggt að afurðir séu af dýrum sem alin eru við sambærilegar dýravelferðarreglur og gilda hér á landi“.

Leiðarann má lesa hér á forsíðu naut.is en þú getur einnig lesið hann í heild sinni með því að smella hér/SS.