Nú er verið að þróa nýtt smáforrit fyrir síma (app) sem er ætlað að einfalda kúabændum að búa með margar kýr. Forrit þetta verður nefninlega sérhannað til þess að gefa álit á því hvort slátra eigi kú eða ekki! Það er danska fyrirtækið Dianova sem sér um þróun á forritinu en verkefnið hefur fengið 85 milljónir íslenskra króna í styrk.

 

Í upphafi verður þetta forrit eingöngu fyrir danska kúabændur og mun byggja á samkeyrslu á helstu skýrsluhaldsupplýsingum búanna og gagnasöfnun mjaltakerfa dagsins í dag. Allar upplýsingar verða svo metnar af hugbúnaði sem mun svo gefa viðkomandi kúabónda helstu kosti/galla viðkomandi kýr þegar hann slær inn númer gripsins fyrir framan sig/SS.