Aðalfundur Landssambands veiðifélaga verður haldinn á Hótel Borgarnesi dagana 13. – 14. júní nk. Fundurinn hefst kl. 13:15 föstudaginn 13. júní og honum lýkur um hádegi laugardaginn 14. júní.

Auk venjulegra aðalfundarstarfa verður sérstök hátíðardagskrá á föstudagskvöldið þar sem þess verður minnst að 50 ár eru liðin frá stofnun Landssambands veiðifélaga, en stofnfundurinn var haldinn í Borgarnesi árið 1958.

Á þessum tímamótum kemur út veglegt afmælisrit þar sem rakin er saga veiðimála á Íslandi.

Fjöldi góðra gesta mun sækja hátíðardagskrána og heiðra LV á þessum tímamótum. Þeirra á meðal verður Árni Mathiesen, fjármálaráðherra, en hann mun flytja hátíðarræðu í tilefni afmælisins.

Nánari upplýsingar gefur Óðinn Sigþórsson, formaður LV, í síma 897 1667