Starfssvið:

Framkvæmdastjóri annast daglegan rekstur Landssambands kúabænda, hefur umsjón með skrifstofu og fjármálum félagsins og sinnir störfum sem undir skrifstofuna heyra samkvæmt fyrirmælum stjórnar. Meðal verkefna framkvæmdastjóra er:

 

·         Undirbúningur og boðun funda LK í samráði við formann

·         Framkvæmd á ákvörðunum félagsins ásamt formanni og

          stjórn 

·         Umsagnir um þingmál, lagafrumvörp, reglugerðardrög

          o.þ.h.

·         Umsjón með sölu- og markaðsmálum nautakjöts

·         Umsjón með heimasíðu LK og síðum samtakanna á

          samskiptamiðlum

·         Öflun og miðlun fróðleiks til handa kúabændum, s.s. með 

          ritun greina, þýðingu erlendra greina, kynnis- og

          ráðstefnuferða o.s.frv.

·         Að vera málsvari samtakanna ásamt formanni

 

Hæfniskröfur:

·         Menntun sem nýtist í starfi er skilyrði

·         Almenn grundvallarþekking á nautgriparækt er kostur

·         Reynsla af stjórnun og rekstri er skilyrði

·         Þekking á félagskerfi bænda er kostur

·         Þekking á opinberri stjórnsýslu er skilyrði

·         Mjög gott vald á íslensku og ensku skilyrði, gott vald einu

          Norðurlandamáli er æskilegt

·         Frumkvæði, samskiptahæfni og metnaður til að sýna

          árangur og kraftur til að hrinda verkefnum í framkvæmd.

 

Landssamband kúabænda (LK) er hagsmunafélag nautgripabænda á Íslandi, stofnað 4. apríl 1986. Tilgangur LK er að sameina þá, sem stunda nautgriparækt í atvinnuskyni, um hagsmunamál sín og vinna að framgangi þeirra. Einnig að annast kynningar- og fræðslustarf um málefni búgreinarinnar og afla þeim stuðnings. Samtökin samanstanda af þrettán aðildarfélögum um allt land með liðlega 1000 félagsmenn. LK er eitt af aðildarfélögum Bændasamtaka Íslands og kýs fimm fulltrúa til setu á Búnaðarþingi og ársfund BÍ.

 

Upplýsingar veitir Arnar Árnason formaður stjórnar, s. 863 2513

Umsóknir óskast sendar á arnar@naut.is

Umsóknarfrestur er til og með 20. maí 2016