Í Þekkingarsetri landbúnaðarins kynna landbúnaðarháskólarnir að Hólum og Hvanneyri starfssemi sína ásamt flestum búgreinasamtökum landsins.

Litli bændaskóli Bústólpa verður settur á laggirnar í mötuneyti Hrafnagilsskóla. Þar gefst krökkum og unglingum frá 10 ára aldri færi á að fræðast um íslenskan landbúnað. Skólanum lýkur með heimsókn í eitt tæknivæddasta fjós landsins. Nánar um skólann má sjá hér. Námið er krökkunum að kostnaðarlausu og þátttöku má skrá á netfangið litlibaendaskolinn@esveit.is

Afurðastöðvar og samtökin Beint frá Býli kynna starfssemi sína í sýningartjaldi.
Á útisvæði sýna vélaumboð nýjar vélar og búvélasafnarar eldri vélar.

Félag ungra bænda á Norðurlandi stendur fyrir landskeppninni „Ungbóndi ársins“ og félagið sér einnig um kálfasýningu þar sem börn keppa í teymingu og skreytingu smákálfa.

Landssambands kúabænda heilgrillar naut á laugardaginn milli kl. 13 og 16 og Landssamband sauðfjárbænda heilgrillar lamb á sunnudaginn.

Húsdýrasýning, fjárhundasýning og hestasýning auk sýningar og keppni í rúningi.

Á svæðinu verður veitingasala og lifandi tónlist alla dagana.
Opið föstudag – sunnudags kl. 12–19 og mánudag kl. 12-17.

Nánari dagskrá má sjá hér.