Samkvæmt rannsókn sem greint var frá í ágústhefti fagtímaritsins Journal of Dairy Science vilja kýr frekar kjarnfóður með vanillubragði en kjarnfóður með lakkrísbragði! Þetta kemur m.a. fram í niðurstöðum á sjö bragðtegundum sem kýrnar fengu að velja á milli í bandarískri rannsókn. Markmiðið með rannsókninni var að leita að heppilegu bragðefni fyrir mjólkurkýr, svo þær myndu auka heimsóknatíðni sína í mjaltaþjóna.

Kjarnfóðrið innihélt sama hráefni eins og maís, repju, bómullarfræ og sojaprótein og fengu kýrnar, sem voru af Holstein kyni, að velja sjálfar á milli sjö ólíkra bragðtegunda. Kýrnar mjólkuðu að jafnaði 42 kíló á dag og fengu 28 kíló fóðurs í það heila en þrátt fyrir það var ásókn kúnna í kjarnfóðrið ágæt. Reyndar kom í ljós í tilrauninni að kýrnar átu jafn mikið af kjarnfóðri án vanillu og með vanillu og gáfu vísindamennirnir sér það að skýringin fælist í því að ef kýrnar eru vandar við ákveðið bragð, þá læra þær á það og kunna að meta/SS.