Beint í efni

Kvígur eiga að vera í góðum holdum

19.07.2012

Írsk rannsókn sem framkvæmd var á 871 yxna kvígum á 48 kúabúum hefur leitt í ljós að séu þær í góðum holdum við 14 mánaða aldur sýna þær betur beiðsli en þær holdminni. Jafnframt benda niðurstöður rannsóknarinnar til þess að kvígur sem eru í góðum holdum við fyrstu sæðingu endist lengur sem mjólkurkýr.

 

Rannsóknin tekur til kvígna af Holstein-Friesian kyninu og voru þær holdastigaðar við 14 mánaða aldur eins og áður segir. Niðurstöðurnar sýna að 80% af kvígunum sem fengu 3,25% í holdastig beiddu við þennan aldur en ekki nema 54% af kvígunum sem fengu 3,0 í holdastig og voru því þroskaminni. Jafnframt entust holdmeiri kvígurnar lengur en 56% þeirra sem fengu háa einkunn fyrir holdastig voru enn á búunum undir þriðja mjaltaskeið en heldur færri eða 48% af þeim kvígum sem fengu lága einkunn/SS.