Beint í efni

Kvægkongres í dag og á morgun

27.02.2017

Hið árlega danska fagþing nautgriparæktarinnar hefst í dag í Herning en sem fyrr er um að ræða eitt stærsta fagþing nautgriparæktar sem haldið er í norðurhluta Evrópu ár hvert. Það er húsdýrasvið ráðgjafafyrirtækisins SEGES sem stendur fyrir fagþinginu en undanfarin ár hefur þetta fagþing verið sótt af ótrúlegum fjölda gesta eða í kringum 2.500 manns!

Í ár verða haldnar ellefu ólíkar málstofur um hin fjölbreyttu málefni nautgriparæktarinnar og má fullyrða að komið verið inn á ótal atriði sem hægt er að nýta beint og óbeint í íslenskri nautgriparækt. Má þar t.d. nefna erindi eins og hvernig og hvaða efni eigi að nota á spena fyrir og eftir mjaltir, notkun tölvutækni við fóðrun í fjósi, áhrif geldkúafóðrunar á broddmjólkurgæði, áhrif húsvistar á heilsufar kúa, bætt bústjórn og starfsmannahald, hvernig ná megi hámarksafköstum úr fjósinu og margt fleira mætti nefna. Alls verða haldin rúmlega 60 mismunandi erindi á þessu fagþingi og verða þeim gerð skil í Bændablaðinu á komandi vikum að vanda. Þeir sem ekki geta beðið þess yfirlits má benda á að það má bæði lesa útdrætti flestra erinda á heimasíðu fagþingsins: www.kvaegkongres.dk/SS.