Eftir gríðarlega úrkomutíð er kornþresking hafin í Danaveldi. Uppskeran er talsvert fyrr á ferðinni en vant er, þar sem haustið (meðalhiti 12,2°C), veturinn (4,7°C) og vorið (8,9°C) voru öll þau hlýjustu í sögunni þar í landi. Það voru bændur á búgarðinum Riisgaard ehf. við Viborg á Mið-Jótlandi sem hófu verkið í gær. Uppskera er í meðallagi góð og þurrefnishlutfall er tæplega 80%. Sortin sem skorin var bar nafnið Himalaya.

Vetrarbyggið hafði náð nægum þroska fyrir um viku síðan en vegna úrkomu hefur ekki verið fært að þreskja. Úrkoman hefur einnig orðið þess valdandi að mikið af korninu hefur lagst, sem gerir þreskingu mun erfiðari en ella.  

 

Heimild: www.landmandsportalen.dk