Umhvefisnefnd Eyjafjarðarsveitar hefur látið þróa og setja upp metnaðarfulla kolefnisreiknivél fyrir landbúnað.

Framtakið er í takt við hin ýmsu verkefni í loftslagsmálum sem bæði atvinnugreinar, sveitafélög og ríkisstjórn hafa verið að vinna að.

Reiknivél þessi er opin öllum og getur verið áhugavert fyrir bændur að máta sitt bú og rekstur inn í hana.

Vilji menn afla sér betri þekkingar, fá nákvæmari úttekt eða aðstoð við að bæta stöðu sína í þessum málum mælum við með að hafa samband við Ráðgjafamiðstöð landbúnaðarins sem býr orðið yfir þekkingu og vinnulagi á slíku.

Landssamband kúabænda er að láta vinna fyrir sig úttekt á kolefnisspori nautgriparæktar á Íslandi. Sú vinna er byggð á íslenskum forsendum með aðstoð ýmissa ráðgjafa undir handleiðslu EFLU verkfræðistofu. Útreikningurinn er á lokametrunum ef svo má taka til orðs og mun LK kynna niðurstöður þegar þær liggja fyrir.

Reiknivélin sem um ræðir er birt á nýrri heimasíðu sveitarfélagsins og má nálgast hana HÉR.