Nú í sumar kynnti Landstólpi ehf. nýja kjarnfóðurblöndu sem heitir SumarBúster. Blandan er sérstaklega ætluð fyrir kýr á beit en lækkun á fituinnihaldi í mjólkinni er mjög algeng þegar kýr fá ferskt gras eða fara á beit á vorin og sumrin en SumarBúster á að viðhalda því. Fóðrið á því að hafa jákvæð áhrif á fitu- og próteininnihald í mjólkinni en auk þess er það orkumeira en hefðbundið kjarnfóður. Hærra hlutfall trénis í fóðrinu örvar virkni vambarinnar sem svo ætti að leiða til meiri mjólkurframleiðslu. Ferskt gras, þá sérstaklega í sólskini, er þakið vaxi til að koma í veg fyrir ofþornun og vaxinu fylgja ómettaðar fitusýrur, SumarBúster inniheldur hinsvegar aukið hlutfall mettaðra fitusýra sem eru auðmeltanlegar og umbreytast beint í mjólkurfitu. Kjarnfóðrið er svo ríkt af andoxunarefnum eins og E-vítamíni sem verndar fitusameindirnar og ásamt orkunni minnka líkur á að fríar fitusýrur (FFS) verði í einhverjum mæli mjólkinni. Þetta er áhugaverð nýjung og vert kynna sér hana nánar.

 

Fréttatilkynning frá Landstólpa.