Uppfinningar eru ekki allar jafn góðar eins og gengur en hér er ein sem er svolítið óvenjuleg en japanska fyrirtækið Morinaga Milk hefur nú sett á markað jógúrt í dósum sem hafa svolítið óvenjulegt lok! Það þekkja allir það að þegar jógúrtdós er opnuð er alltaf jógúrt á innanverðu lokinu sem flestir skafa af eða hreinlega bara sleikja. Þetta þykir nú ekki sérlega fínt að gera í Japan og hvað gera bændur þá? Jú finna upp lok sem ekkert getur klístrast við!

 

Hið nýja lok er eins og flest önnur úr álfilmu en með sérstakri tækni er álfilman húðuð með sérstöku efni sem gerir það að verkum að hún hrindir betur frá sér vatni en áður. Þarlendum jógúrtkaupendum hlýtur að vera stórlétt eftir að þessi nýjung leit dagsins ljós, því nú þarf enginn að eiga á hættu á að verða sér til skammar við að skafa jógúrtlok nú eða þess heldur við að sleikja það/SS.