Mörg af helstu afurðafyrirtækjum heimsins horfa nú í auknum mæli á markaðinn í Afríku sem þann vaxtarbrodd sem þarf til þess að viðhalda vexti í mjólkurframleiðslu heimsins enda lítil framleiðsla enn sem komið er í þeirri heimsálfu. Það er þó verið að byggja hana upp jafnt og þétt og eitt dæmið um slíka uppbyggingu er samstarfsverkefni Ísraela og Indverja en saman standa aðilar í þessum löndum að mikilli uppbyggingu í Suður-Súdan.

 

Alls stendur til að byggja upp fimm kúabú og á hverju þeirra verða tvö þúsund mjólkurkýr með tilheyrandi húsnæði og tæknibúnaði. Þar sem engin aðstaða er fyrir hendi í dag þarf auk uppbyggingar á framleiðsluaðstöðunni einnig að tryggja bæði fóður og vatn auk þess sem byggja þarf upp vinnslu- og pökkunaraðstöðu fyrir mjólkina sjálfa. Þegar framkvæmdunum líkur verða þessi bú með einna mestu mjólkurframleiðsluna í álfunni/SS.