Um BÍ
Búgreinadeildir
Málaflokkar
Til baka
Um Alifuglabændur
Upplýsingar
Kolefnisspor
Til baka
Til baka
Um Hross BÍ
Fræðsla
FHB
Til baka
Um NautBÍ
Upplýsingar
LK
Til baka
Sauðfjárbændur
Upplýsingar
Til baka
Starfið
Stjórnsýsla
Til baka

Íslenska skyrið vann stórsigur í Herning

04.10.2017

Þessa dagana stendur yfir alþjóðlega matvælakeppnin International FOOD Contest en þessi keppni er haldin í Herning í Danmörku. Þar náði íslenska skyrið enn á ný að sýna að það er í sérflokki og vann það í gær sigur í keppninni um bestu mjólkurvöruna í almennum neysluvöruflokki. Það var Ísey skyr með bökuðum eplum frá MS sem vann þennan sterka flokk mjólkurvara , en til þess að setja þennan gríðarlega mikilvæga sigur í samhengi má nefna að MS var þarna að keppa við stórfyrirtæki í mjólkurvinnslu eins og Arla og fleiri þekkt afurðafélög.

Í öðrum flokkum urðu aðrar afurðastöðvar hlutskarpastar og vann t.d. Taulov afurðastöðin, sem er í eigu Arla, ostakeppnina og afurðastöðin í Holstebro, sem einnig er í eigu Arla, smjörkeppnina. Á meðfylgjandi mynd má sjá þá félaga Auðunn Hermannsson og Ágúst Þór Jónsson taka við verðlaununum fyrir hönd MS, en á myndinni eru auk þeirra þau Karen Hækkerup, forstjóri dönsku landbúnaðar- og matvælasamtakanna L&F, og Steen Nørgaard Madsen, stjórnarformaður samtaka danskra afurðastöðva í mjólkuriðnaði/SS