Á síðastliðnu ári voru flutt til landsins ríflega 217 tonn af grasfræi. CIF verðmæti þess var um 33 milljónir króna eða 152 kr/kg. Að jafnaði þarf um 30 kg í hektarann, þannig að þetta fræmagn dugar í ríflega 7.000 hektara lands. Upplýsingar eru fengnar frá Hagstofu Íslands. Í töflunni hér að neðan er að finna magn og verð einstakra tegunda, eftir númerum í tollskrá. Á innflutt fræ leggjast ýmiskonar gjöld, á fræ í pappírsumbúðum leggst 7 kr/kg úrvinnslugjald og 3 kr/kg ef það er í plastumbúðum. Í báðum tilfellum á þetta við um hvert kg umbúða. Þá skal greiða 3,1% eftirlitsgjald af sáðvöru og er gjaldstofninn tollverð vörunnar.

Fyrir þá sem ekki kannast við skammstafanirnar FOB og CIF, þá merkir sú fyrrnefnda „free on board“, það er verð vöru sem komin er í skip í útflutningshöfn. Sú síðarnefnda merkir „cost, insurance, freight“, það er verð vöru komið á hafnarbakkann í innflutningshöfn, þar sem búið er að greiða fyrir vöruna sjálfa, flutning, tryggingu og uppskipun hennar.

 

Frægerð og tollskrárnúmer	Magn, tonn	FOB verð (þús. kr)	CIF verð (þús. kr)	Flutningskostnaður kr/kg	Meðalverð (CIF) kr/kg fræs
Smárafræ í >=10 kg umbúðum 1209.2201	13,1	1.064	1.195	10	91,22
Annað smárafræ 1209.2209	0,02	102	114	600	5.700
Túnvingulsfræ í >=10 kg umbúðum 1209.2301	21	3.123	3.355	11	159,76
Annað túnvingulsfræ 1209.2309	8,7	1.030	1.107	8,90	127,24
Vallarsveifgrasfræ í >=10 kg umbúðum 1209.2401	5,5	1.208	1.415	37,60	257,27
Annað vallarsveifgrasfræ 1209.2409	44,5	5.206	5.566	8,10	125,08
Rýgresisfræ í >= 10 kg umbúðum 1209.2501	26,9	3.668	3.964	11	147,36
Annað rýgresisfræ 1209.2509	44,6	3.870	4.152	6,30	93,09
Vallarfoxgrasfræ í >= 10 kg umbúðum 1209.2601	57,8	5.490	5.971	8,30	103,30
Annað vallarfoxgrasfræ 1209.2609	47,9	7.985	8.751	16	182,69
Annað grasfræ í >=10 kg umbúðum 1209.2901	31,7	7.796	8.378	18,40	264,29
Annað grasfræ 1209.2909	20,8	3.254	3.551	14,30	170,72

 

Til samanburðar má nefna að algengt útsöluverð á vallarfoxgrasfræi í ár er 260-370 kr/kg og á vallarsveifgrasfræið liggur á bilinu 275-540 kr/kg. Gengi evru í mars 2006 var um 85 kr en í mars í ár var gengi þess gjaldmiðils um 88 kr, hefur því hækkað um 4% milli þessara mánaða, sem líklegt má telja að talsverður hluti fræinnflutnings eigi sér stað í.