Eins og fram kom hér á síðunni um daginn, lækkaði SS verð á fóðri í sl. mánuði. Fyrirtækið flytur inn kjarnfóðurblöndur frá DLG í Danmörku. Landssamband kúabænda hefur kannað verð á þremur af þeim blöndum sem SS flytur inn og er niðurstaðan í töflunni hér að neðan. Annars vegar er borið saman listaverð til bænda hjá DLG í Danmörku og SS, hins vegar verð með mesta afslætti. Þess ber einnig að geta að í Danmörku er flutningur fóðursins heim á búið innifalinn í verðinu en íslenskir bændur þurfa að greiða hann sérstaklega. Þegar þessi samanburður er skoðaður er einkum tvennt sem kemur í hugann:

1. Hvernig stendur á því að fóðurverðið nær tvöfaldast við flutning til Íslands?
2. Í Danmörku er nautaeldisfóðrið til muna ódýrara en kúafóðrið. Hér á landi er þessu öfugt farið. Hvað veldur?

Í frétt mbl.is frá 27. janúar 2007 sagðist forstjóri SS ætla að bjóða bændum upp á 10-20% lægra verð á kjarnfóðri en þeir ættu kost á. Sú hefur ekki verið raunin til þessa, LK skorar á SS að standa nú við stóru orðin.

  

Fóðurtegund	DLG – listaverð dkk	DLG – listaverð isk	SS -listaverð isk	DLG – afsláttarverð dkk	DLG – afsláttarverð isk	SS – afsláttarverð isk
Malko Lac Græs	1.467,50	30.392	59.355	1.397,00	28.942	55.201
Malko Lac III	1.580,00	32.721	59.786	1.510,00	31.272	55.601
Grønkalv slut	1.350,00	27.958	67.844	1.280,00	26.508	63.904
Gengi dkk 20. mars 2009	20,71

Tilgreint er verð pr. tonn fóðurs