Beint í efni

Heyskapur gengur vel í Króatíu

01.05.2013

Þó enn sé snjór víða á túnum hér á landi er hafinn heyskapur sunnarlega í Evrópu. Í Króatíu hófst sláttur í lok apríl, sem er venjulegur heyskapartími þar í landi. Kúabændur þar eru oftast með ítalskt rýggresi í túnum sínum og ná að slá það oft yfir sumarið. Í fyrra gekk reyndar illa og náðist víða eingöngu ein uppskera vegna mikilla þurrka. Slátturinn í ár hefur gengið vel og uppskera góð, enda hefur verið hlýtt í Króatíu undanfarið.

 

Á mörgum kúabúum í Króatíu tíðkast að vera með hvíts- eða refasmára í túnunum og um þessar mundir er vöxturinn kominn í um 50 cm! Oft tíðast á þessum slóðum að taka fyrstu uppskeru af túnunum og svo plægja hluta þeirra og sá svo maís í akrana. Maísinn nær að fullþroskast fyrir veturinn og því næst með þessu móti bæði góð grasuppskera og einnig maís/SS.