Í Svíþjóð er nú búið að taka í notkun nýja og afar áhugaverða heimasíðu sem kallast Juverportalen (www.juverportalen.se) en þessi heimasíða inniheldur umfangsmikinn fróðleik um júgurheilbrigði og margskonar ráðgjöf varðandi efnið. Tilgangur heimasíðunnar er að safna á einn stað fróðleik sem auðveldar bændum að takast á við þetta algenga vandamál á kúabúum og hvernig standa megi sem best að forvörnum.

Heimasíðan er rekin af sænsku ráðgjafamistöðinni Växa og þarlendu dýralækningastofnuninni SVA. Eins og við er að búast er efnið á heimasíðunni á sænsku en sú staðreynd fælir vonandi ekki frá áhugasama lesendur naut.is um að fræðast um júgurheilbrigðismálin/SS.