Vísindamenn við háskólann í fylkinu Kansas í Bandaríkjunum hafa gert afar áhugaverða uppgötvun en fyrstu niðurstöður umfangsmikillar rannsóknar þeirra benda til þess að með því einu að gefa kúm bólgueyðandi eftir burð, þá eykst nyt þeirra um 7-10% fyrstu dagana eftir burðinn!

 

Um frum niðurstöður er að ræða og því ekki hægt að gefa almennar ráðleggingar varðandi notkun á bólgueyðandi lyfjum fyrir kýr en vissulega áhugavert enda var hið gefna bólgueyðandi lyf afar vægt. Ástæða þess að lyfið hafði þessi áhrif segja vísindamennirnir geti legið í því að eftir burðinn verður eftir þroti í fæðingarveginum sem etv. er hamlandi. Rannsókn þessi er enn skammt á veg komin en hún hófst fyrir ári síðan en vænta má þess að frekari niðurstöður liggi fyrir á næsta ári/SS.