Á annað hundrað manns sótti fyrsta haustfund Landssambands kúabænda í Þingborg í gærkvöldi.

Er óhætt að fullyrða að nokkuð er um liðið síðan svo fjölmennur kúabændafundur var haldinn á

þeim stað. Umræður voru líflegar og afar málefnalegar, en um 20 manns tóku til máls, auk

framsögumanns Þórólfs Sveinssonar formanns LK og Einars Kristins Guðfinnssonar,

ráðherra landbúnaðarmála.

Framsaga formanns fjallaði að þessu sinni nær eingöngu um verðlagsmál. Kostnaður við

mjólkurframleiðsluna hefur aukist alveg ævintýralega á undanförnu ári, t.d. hafa stórir liðir

eins og kjarnfóður og áburður hækkað um rúm 70%. Þá hefur verið boðuð 50-100% hækkun

á áburði til viðbótar næsta vor, en bændur þurfa jafnan að huga að kaupum á honum í

nóvember-janúar n.k. Þrátt fyrir að mjólkurverð til bænda hafi hækkað talsvert 1. apríl sl.,

þá hafa verðhækkanir á aðföngum haldið áfram af fullum þunga, því er alveg ljóst að við

núverandi verð er ekki hægt að búa lengur. Þó er víst að í núverandi ástandi efnahagsmála

fær enginn allt það sem hann telur sig eiga rétt til. Afkoma mjólkuriðnaðarins er afleit um

þessar mundir og því ljóst að hann þarf nokkra leiðréttingu, en verð til neytenda hefur lítið

hækkað á árinu.

 

Það var auðheyrt á máli þeirra sem til máls tóku á fundinum, að leiðrétting á mjólkurverði

þann 1. nóvember er algjör lífsnauðsyn, að öðrum kosti er rekstur margra búa í fullkomnu

uppnámi. Ekki er síður brýnt að grípa til myndarlegra vaxtalækkana, þegar í stað. Það kom

fram í máli margra, ráðherra sem og annarra, að forsendur hávaxtastefnunnar hafa brostið

algerlega á nokkrum dögum. Landbúnaðurinn, líkt og annað atvinnulíf þarf því nauðsynlega

á því að halda að vextir lækki án frekari tafar.

 

                                                                                                                                                                           

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Fundarmenn í Þingborg

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

F.v. Þórólfur Sveinsson, formaður LK, Einar Kristinn Guðfinnsson, ráðherra landbúnaðarmála og Sigurður Loftsson í Steinsholti, formaður Félags kúabænda á Suðurlandi.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

F.v. Elvar Eyvindsson á Skíðbakka 2, Jóhann Nikulásson í Stóru-Hildisey 2, Björn Friðrik Brynjólfsson, aðstoðarmaður Sjávarútvegs- og landbúnaðarráðherra og Birna Þorsteinsdóttir á Reykjum.   

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Formaður LK í ræðustól. 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Einar Kristinn í ræðustól. Birna Þorsteinsdóttir á Reykjum var fundarstjóri.