Nú í vor voru til 650 þúsund tonn af ostum á lager í Bandaríkjunum en slíkt ostafjall hefur ekki verið til í landinum síðan 1984! Skýringin á rætur að rekja til afar hás afurðastöðvaverðs fyrir tveimur árum sem olli því að mjólkurframleiðslan jókst mikið bæði í Bandaríkjunum en einnig í ótal öðrum löndum. Markaðurinn fylgdi enganvegin eftir og því er nú svo komið að ofgnótt er af osti, bæði framleiddum í Bandaríkjunum og innfluttum, á bandaríska markaðinum.

 

Ostalagerinn einn og sér svarar til 6,5 milljarða lítra mjólkurframleiðslu sem er nálægt því að vera helmingur framleiðsluaukningar mjólkur í Bandaríkjunum síðustu 12 mánuði. Reyndar hefur orðið ágæt neysluaukning á ostum í Bandaríkjunum og árið 2015 jókst meðalneyslan á hvern íbúa um 1 kíló. Það er þó enganvegin nóg enda er því spáð að neysluaukningin næstu 8 árin nemi ekki nema 1,5 kílói að jafnaði á hvern íbúa í heildina. Það er því fyrirséð að lausnin á birgðavandanum verði ekki leyst á heimamarkaðinum einum og sér og því er spáð að útflutningur frá Bandaríkjunum muni aukast verulega á komandi misserum vegna þessa/SS.