Samkvæmt nýútkomnu yfirliti Samtaka afurðastöðva í mjólkuriðnaði var sala á fitugrunni 140,9 milljónir lítra síðustu 12 mánuði (maí 2016-apríl 2017). Það er aukning frá fyrra ári um 5,3%. Síðustu þrjá mánuði (febrúar 2017-apríl 2017) nam söluaukningin 3,4% miðað við sama tímabil fyrir ári.

Sala á próteingrunni undanfarna 12 mánuði var 129,8 milljónir lítra, sem er aukning um 4,6% frá árinu á undan. Ef litið er til síðustu þriggja mánaða nam söluaukningin á próteingrunni þó ekki nema 0,8%.

Innvegin mjólk undanfarna 12 mánuði var 148,0 milljónir lítra, sem er 2,0% samdráttur frá árinu á undan og sé litið til nýliðins mánaðar í samanburði við sama mánuð í fyrra er samdrátturinn 6,3%. Það sem af er ári er innvigtunin 4,4% minni í samanburði við sama tímabil í fyrra. Á sama tíma hefur orðið heildaraukning í sölunni og því er, líkt og í síðasta mánuði, söluþróun og innvigtun að þróast í verulega ólíkar áttir/SS.