Um aðra helgi verður haldin glæsileg landbúnaðarsýning í Skagafirði með fjölbreyttri dagskrá. Meðal sýningaratriða verður kynbótasýning á nautgripum, Kýr 2005, þar sem saman munu koma Norðlenskir kúabændur og keppa með gripi sína. Landbúnaðarsýningin verður nokkuð óhefðbundin þar sem bæði verður sýning á tækjum og

tólum sem tengjast landbúnaði en einnig keppni hrossa, fjárhunda, nautgripa og hrúta.

 

Sýningin hefst föstudaginn 19. ágúst, stendur fram á sunnudag og verður hún í reiðhöllinni við Sauðárkrók.

 

Meðal helstu atriða má nefna:

• Kynbótasýningu hrossa (yfirlitssýning)
• Kúasýningu
• Hrútasýningu
• Opna gæðingakeppni
• Tölt- og skeiðkeppni,
• Sýningu á bestu fjárhundum landsins
• Fjölbreytt fræðsluerindi á vegum Hólaskóla og Landbúnaðarháskólans.