Í dag fer fram fulltrúafundur Landssambands kúabænda á Hótel Sögu í Reykjavík og hefst hann klukkan 11. Dagskrá fundarins er svohljóðandi:

 

1. Fundarsetning og kosning starfsmanna fundarins.

2. Kynning á tillögum að grunnþáttum nýrra samninga um starfsskilyrði nautgriparæktarinnar og umræður um þær.

3. Önnur mál.

 

Fundur þessi er boðaður skv. 6. grein samþykkta Landssambands kúabænda en þar segir: Aukafund skal halda þyki stjórn LK sérstök nauðsyn bera til og jafnan þegar aðildarfélög, eitt eða fleiri, með samtals a.m.k ¼ félagatölu LK, óska þess, enda sé þá fundarefni tilgreint. Aukafund skal boða með minnst 7 daga fyrirvara. Um rétt til fundarsetu á aukafundum gilda sömu reglur og á aðalfundi.

 

Markmið fundarins er að kynna tillögur samningsaðila að grunnþáttum nýrra samninga um starfsskilyrði nautgriparæktarinnar og fá fram sjónarmið aðalfundarfulltrúa gagnvart þeim.

 

Í kvöld mun svo fara fram fyrsti kynningarfundur Bændasamtaka Íslands um þessar tillögur, en samtökin standa fyrir fjórum fundum alls. Á fundinum verða forystumenn bænda með framsögur og umræður verða svo haldnar í kjölfarið.

 

Fundirnir verða á eftirtöldum stöðum: 

Árhúsum á Hellu, þriðjudaginn 24. nóvember kl. 20.30

Hlíðarbæ í Eyjafirði, miðvikudaginn 25. nóvember kl. 11.00

Hótel Borgarnesi, miðvikudaginn 25. nóvember kl. 20.30

Valaskjálf á Egilsstöðum, fimmtudaginn 26. nóvember kl. 11.00

 

Almennir bændafundir verða haldnir í héruðum um allt land þegar samningar verða fullgerðir en þær dagsetningar liggja ekki fyrir. Í kjölfar þeirra verður boðað til atkvæðagreiðslu meðal bænda/SS.