Stjórn hollenska félagsins FrieslandCampina hefur nú tekið ákvörðun um að leggja niður 40 störf í afurðastöðvum félagins í Lochem og Veghel. Skýringin felst í því að stjórnendum félagsins hefur tekist að stórbæta nýtingu framleiðslutækjanna með þeim afleiðingum að nú losnar um störf nokkurra starfsmanna. Er þessi ráðstöfun sögð nauðsynleg til þess að mæta lágu verði mjólkurvara.

 

Þó svo að það sé vissulega erfitt að kveðja 40 starfsmenn er þó um tiltölulega lágt hlufall að ræða en í Lochem vinna nú um 220 starfsmenn en þar er aðallega framleitt mjólkurduft og smjör. Í Veghel starfa mun fleiri eða um 510 manns en afurðastöðin þar er sérhæfð í vinnslu á verðmætaefnum úr mjólk s.s. hreinsuðum mysupróteinum svo dæmi sé tekið/SS.