Þrátt fyrir að hafa átt afar gott söluár með 99 hestaafla vél sína Proxima 9541 eru forsvarsmenn Zetor verksmiðjanna vissir um að framtíðin sé enn bjartari. Byggir þessi jákvæða sýn á nýju vél þeirra, Forterra 135 sem er 136 hestafla vél.

 

Forterra 135 er stærsta dráttarvélin sem tékkneski dráttarvélaframleiðandinn framleiðir og er vélin með

nýja hönnun á fjögurra strokka mótor. Fyrir utan hina nýju hönnun á útliti vélarinnar er annað byggt á gömlum grunni í hönnun vélarinnar s.s. gírkassinn og 70 lítra/mínútu glussakerfið.

 

Eins og áður hefur verið lögð áhersla á einfaldleika í hönnun og frágangi, sem gerir það að verkum að hægt er að bjóða þessa öflugu vél á afar hagstæðu verði en hún kostar í Bretlandi 33.800 pund með öllum sköttum og gjöldum eða um 6,3 milljónir íslenskra króna. Naut.is er ekki kunnugt um verð þessarar vélar hér á landi.