Þessa dagana standa yfir fræðslufundir BÍ um nautgriparækt. Á þeim er farið yfir helstu niðurstöður kynbótamats í nautgriparækt og þann nautakost sem í boði er í vetur. Einnig verður farið yfir helstu þætti er varða frjósemi nautgripa, sæðingar og þá þætti sem hafa áhrif á árangur sæðinga og frjósemi á búinu, s.s. aðstöðu til sæðinga, fóðrun, beiðslisgreiningar o.fl. Farið verður sérstaklega yfir mikilvæg góðrar frjósemi fyrir sjálfbært ræktunarstarf sem og afkomu búsins, og hvernig nýta má kosti NorFor fóðuráætlanagerðar til að bæta frjósemi á búinu. Framsögumenn eru Gunnfríður Hreiðarsdóttir og Berglind Óðinsdóttir, ráðunautar Bændasamtaka Íslands.

 

Fundirnir verða haldnir á eftirtöldum stöðum:

 

Hlíðarbæ í Eyjafirði, í dag mánudaginn 26. nóvember kl. 12.

Dalakofanum S-Þing. þriðjudaginn 27. nóvember kl. 12.

Hótel Flúðum, Árn. miðvikudaginn 28. nóvember kl. 12.

Hótel Brú, Borg. fimmtudaginn 29. nóvember kl. 12.

Mælifelli, Skag. föstudaginn 30. nóvember kl. 12 

Hótel Hérað, þriðjudaginn 4. desember kl. 11

Breiðablik, Snæ. fimmtudaginn 6. desember kl. 11