Samkvæmt fréttatilkynningu frá Fóðurblöndunni mun verð á kjarnfóðri lækka hjá fyrirtækinu á mánudaginn kemur. Í tilkynningunni segir: „Viðskiptavinir Fóðurblöndunnar halda áfram að njóta góðs af styrkingu krónunnar. Lækkunin  á fóðri nemur um 2% misjafnt eftir tegundum og tekur gildi mánudaginn 5.desember.

Eftir þessa nýjustu verðlækkun hefur verð á kúafóðri fyrirtækisins lækkað frá 21 til 26% á síðustu þremur árum.

Uppfærða verðskrá má finna á vef Fóðurblöndunnar, www.fodur.is  síðar í dag.

Nánari upplýsingar veitir Úlfur Blandon Framkvæmdastjóri sölu- og markaðssviðs Fóðurblöndunnar“. /SS