Samkvæmt upplýsingum á heimasíðu Fóðurblöndunnar hækkaði verðskrá á kjarnfóðri þann 11. maí síðastliðinn. Skýringin er sögð felast í hækkun á heimsmarkaðsverði á soyjamjöli og öðrum hráefnum og nemur hækkunin 1-2% eftir því um hvaða tegundir af tilbúnu fóðri er að ræða. Tvær blöndur hækka ekki í verði en það eru blöndurnar „Feitur KK 16“ og „Feitur KK 20“. Þá hefur staðgreiðsluafsláttur, við kaup á þremur tonnum eða meira, verið hækkaður úr 4% í 5%.

Verðskrá naut.is á kjarnfóðri hefur verið uppfærð til samræmis við þessa breytingu og er hægt að fara beint yfir á vefsíðuna með því að smella hér. Við hvetjum kúabændur til þess að bera saman verð á tilbúnu fóðri með því að skoða vel verðskrána/SS.